Taphni Evertanii fi Liivarpuul gidduutti taphatamu ni eegama
Finfinnee, Guraandhala 5, 2017 (FMC)- Tapha Piriimiyerliigii Ingiliiziin taphni Evertan Liivarpuul waliin taphatu hawwiin eegama.
Tapha Darbiiwwan Marsiisaayid taphatan kanaan dursaan liigichaa Liivarpuul halkan sa’aatii 4:30 irraa eegalee gara Gudisan Paarkitti imaluun morkataasaa Evertan waliin walmorkatu.
Erga leenjisaa isaa duraanii Daviid Mooyes deebisee booda taphoota liigiichaa sadan darban walitti aansuun kan injifate Evertan, Liivarpuuliif qormaata cimaa ta’a jedhamee eegama.
Liivarpuul tapha kana injifachuu yoo danda’e, sadarkaa 2ffaa irra kan jiru Arsenaal waliin garaagarummaa qabxii qabu gara 9’tti akka guddisu eerameera.
#Oromia #Ethiopia