Dhaabbileen qulqullina Oomishaa fi tajaajilaa mirkaneessuun guddina biyyaa keessatti qooda isaanii bahuu qabu jedhame

Finfinnee, Guraandhala 12, 2017 (FMC) –Dhaabbileen qulqullina oomishaalee fi tajaajilaa isaanii mikrkaneessuun guddina Biyyaf gahee isaanii bahuu akka qaban Dhaabbanni Badhaasa Qulqullinaa Itiyoophiyaa beeksise.

Dhaabbatichi mata duree, “karaa moodeela Ga’umsa Ogummaan Aadaa Qulqullinaa haa Guddisnu” jedhuun waltajjii Ga’umsa Ogummaa marsaa 3ffaa qooda fudhattoota waliin gaggeesseera.

Maree kana irratti Eeggataan Pireezidaantii Yuunivarsiitii Finfinnee fi walitti qabaan Boordii dhaabbatichaa Dooktar Saamu’eel Kiflee fi hoji-Raawwachiisaa olaanaa dhaabbatichaa Teewodiroos Mabiraat dabalatee hoggantoonni olaanoon mootummaa hirmaachaa jiru.

Dhaabbatichi Bara 2000 yoo hundaa’u, dhabbatichi sirna badhaasaa qulqullinaaf xiyyeeffannoo kennu diriirsuun dandeettii biyyattiin addunyaa irratti dorgomuuf qabdu guddisuu fi yaad-rimee qulqullinaa lafa qabsiisuun qulqullinni aadaa biyyattii akka ta’u gargaaruu kaayyeffatee akka ta’es himameera.

Eeggataan Pireezidaanti Yuunivarsiitii Finfinnee fi Walitti qabaan boordii dhaabbatichaa Dooktar Saamu’eel Kifilee Dhhaabbilee qulqullinaan raawwii gaarii qaban dhaabbilee biroof muuxannoo kan itti qoodan ta’uu ibsan.

Dhaabbatichi, dhaabbileen hojimaata si’ataa fi ammayaa’aa hordofuun dorgomaa akka ta’an deeggeruurra darbee, guddin biyyaa keessatti g’ee guddaa ba’achaa akka jiru ibsaniiru.

Dhaabbileenis oomishaa fi tajaajila isaanii ammayyeessuu fi si’eessuun biyya irra darbee akka addunyaatti dorgommtoota ta’uuf hojjechuu akka qaban hubachiisaniru.

Hoggantooonni dhaabbilee adda addaas gama isaaniin hojimaatota isaanii sirreessuun dorgomaa ta’uuf akka hojjetan ibsuu isaanii TOI gabaase.

#Oromia #Ethiopia