Hojiin Itiyoophiyaan naannawichatti nageenya waareessuuf hojjechaa jirtu kan dinqisiifamu ta’uu ibsame
Finfinnee, Guraandhala 14, 2017 (FMC) – Hojiin Itiyoophiyaan naannawichatti nageenya waareessuuf hojjechaa jirtu kan dinqisiifamu ta’uu Itti Aanaa Barreessaa Olaanaan Mootummoota Gamtoomanii fi Itti Gaafatamaan Nageenyaa Giilsi Michaawud ibsan.
Ministirri Ministeera Raayyaa Ittisaa Injinar Ayishaa Mahaammad Itti Aanaa Barreessaa Olaanaa Mootummoota Gamtoomanii fi Itti Gaafatamaan Nageenyaa Giilsi Michaawud waliin mari’ataniiru.
Itiyoophiyaa fi naannawaa Gaanfa Afrikaatti deeggarsa namoomaa, misoomaa fi ijaarsa nageenyaaf gumaacha Itiyoophiyaan goote dinqisiifataniiru.
Itiyoophiyaan ergama nageenyaa fi Nageenyaa hojjettoota Mootummoota Gamtoomaniif dursa kennuun hojiin hojjetaa jirtu jajjabeessaa ta’uu ibsaniiru.
Giilsi Michaawud Ministir Deetaan Ministeera Dhimma Alaa Ambaasaaddar Misgaanuu Argaa waliin mari’ataniiru.
Dhimmoota naannawaa fi Nageenyarratti mari’achuu isaanii ragaan Ministeera Dhimma Alaarraa argame ni mul’isa.