Obbo Tamsgeen Xurunaan Yaadannoo injifannoo Adwaa sababeeffachuun ergaa baga geessanii dabarsan
Finfinnee, Guraandhala 22, 2017 (FMC) – Ministirri Muummee Itti Aanaan Obbo Tamsgeen Xurunaan Yaadannoo injifannoo Adwaa 129ffaa sababeeffachuun ergaa baga geessanii dabarsaniiru.
Jala bultii duula Adwaa Itiyoophiyaa dadhabsuuf keessaafi alaan duulli irratti gaggeeffamaa turuu yaadachiisuun, diinni alaa jiraachuu Itiyoophiyaa kan jibbu, diinni keessaa ammoo gantoota biyya keessaa diinota alaaf ergaman ta’uu eeraniiru.
Adwaan akka billaa qara lamaati kan jedhan obbo Tamasgeen, diinota keessaas kan alaas kuteera jedhan. Itiyoophiyaanonni kutannoon yoo ka’an wanti isaan daangessu akka hin jirre diinota kanneenitti mul’isuu eeraniiru.
Loltoonni kumni dhibbi 1 ol kallattiiwwan biyyattii hundarraa walitti babba’uun jaalala biyyaan walii galuun dinqii hojjetaniiru jedhan.
Har’a waraana hin barbaannu; seenaa waraanaa gahaa qabna; kan nu hanqatu seenaa badhaadhinaati jechuun gama miidiyaa hawaasummaa isaaniin ibsaniiru.
#Oromia #Ethiopia