Guyyaan Injifannoo Adwaa 129ffaan kabajamuu eegale

Finfinnee, Guraandhala 23, 2017 (FMC) – Guyyaan Injifannoo Adwaa 129ffaan Magaalaa Finfinnee Yaadannoo Injifannoo Adwaatti kabajamuu eegaleera.

Guyyichi mata duree ‘Adwaa Injifannoo Ummattoota Guraachaa’ jedhuun naannolee fi Bulchiinsa magaalotaa dabalatee Embaasiwwanii fi Waajjiraalee Qoonsilaatti kabajama.

Haaluma kanaan Finfinnee Yaadannoo Injifannoo Adwaatti qophiilee adda addaan kabajamuu jalqabeera.

Pireezidaantiin RDFI Taayyee Atsiqasillaasee, Af-Yaa’ii Mana Maree bakka bu’oota ummataa Taaggasee Caafoo, Af-yaa’iin Mana Maree Federeeshinii Aganyoo Tashaagar, Ministirri ittisaa Injiinar Ayishaa Mahaammad, Itaamaajoor Shuumii Waliigalaa Raayyaa Ittisaa Fiild Maarshaal Biraanuu Juulaa, Pireezidaantiin Waldaa gootota durii Lij Daani’eel Jootee, Ministiroonni, ambaasaaddaroonni biyyoota garagaraa fi bakka bu’oonni dhaabbilee idil addunyaa, miseensonni raayyaa ittisaa, humnoota nageenyaa biroo dabalatee keessummoonni waamichi taasiifameef sirnicharratti hirmaachaa jiru jedhame.

Gootota duraanii fi dhaloota har’aa gidduutti sirni walharkaa fuudhiinsa Alaabaa kan gaggeeffamu ta’uu ragaan fuula Raayyaa Ittisa biyyaarraa argame ni mul’isa.

#Oromia #Ityoophiyaa