Piriimeer Liigii Ingilaand taphoota torbee 28ffaan taphni Maanchiister Yuunaayitiid Arsenaal keessummeessu ni eegama

Finfinnee, Guraandhala 29, 2017 (FMC) – Taphoonni Piriimeer Liigii Ingilaandi torbee 28ffaan har’a sa’aatii 9:30 eegaluun taphatamu.

Har’a waaree booda sa’aatii 9:30 eegalee taphni Nootingahaam Foresti Maanchiisteer Siitii waliin taphatu ni eegama.

Waaree booda sa’aatii 12:00 jalqabee Biraayitan – Fuulhaam, Kiristaal Paalaas – Ipisiiwiichi, akkasumas Liiverpuul – Saawuuz Hampitan waliin falmatu.

Galgala sa’aatii 2:30 eegalee Bireentifoord – Astoon Viilaa waliin taphata.

Halkan sa’aatii 5:00 irraa jalqabee Woolviis – Eevartan waliin morkata.

Boruu eegalee sa’aatiin taphaa kan fooyya’u yoo ta’u waaree booda sa’aatii 10:00 irraa jalqabee Cheelsiin – Leester Siitii waliin yoo taphatu,Tootenhaam – Boornimaawuuz waliin falmata.

Taphni galgala sa’aatii 12:30 jalqabee Maanchiister Yuunaayitiid Arsenaal keessummeessu xiyyeeffannoo argateera.

#Oromia #Ityoophiyaa