Fana: At a Speed of Life!

Naannoo Somaaleetti ijaarsi pirojektii bishaan dhugaatii Birrii miiliyoona 300 fi miiliyoona 44 oliin hojjetamu eegalchiifame

Finfinnee, Bitootessa 6, 2017 (FMC) – Naannoo Somaaleetti ijaarsi pirojektii bishaan dhugaatii Birrii miiliyoona 300 fi miiliyoona 44 oliin hojjetamu eegalchiifamuun ibsameera.

Pirojektiin Kun Ministeera Bishaaniifi Inarjiitti sagantaa ‘One Wash’ jedhamuun godina Roogb aanaa Ayuunitti eegalamuun eerameera.

Ministirri Ministeera Bishaaniifi Inarjii Dooktar Injinar Habtaamuu Ittafaan, uwwisni bishaanii naannoodhaa naannootti akkasumas bakkaa bakkatti walfakkaataa akka hin taane kaasuun, naannawaalee hongeef saaxilamoo ta’an ilaalchaa keessa galchuun hojjetamaa jiraachuu eeraniiru.

Jijjiiramaan as naannichatti dameewwan bishaan dhugaatii, fayyaafi barnootaan bu’aa gaariin galmaa’aa jiraachuu Pireezidaantiin naannichaa Musxafee Mahaammad ibsaniiru.

Pirojektiin kun baatiiwwan 21 keessatti kan xumuramu ta’uufi jiraattota naannawichaa kuma 37 fayyadamoo akka taasisu ragaan Ministeera Bishaaniifi Inarjiirraa argame ni mul’isa.

#Oromia #Ethiopia

You might also like

Leave A Reply

Your email address will not be published.