Naannichatti ajandaan marii biyyaalessaa walitti qabuu yeroo dhiyootti ni eegala jedhame
Finfinnee, Bitootessa 6, 2017 (FMC) – Naannoo Amaaraatti ajandaan marii biyyaalessaa walitti qabuu yeroo dhiyootti akka jalqabamu Komishiniin Marii Biyyaalessaa beeksise.
Naannichatti hojiin hirmaattota adda baasuu xumuramuun ibsameera.
Yeroo dhiyoo keessatti gara adeemsa ajandaa walitti qabuutti seenuuf qaamolee qooda fudhattootaa waliin mariin gaggeeffamaa jiraachuu Dubbii Himaan Komishinichaa Xibabuu Taaddasaan ibsaniiru.
Naannolee hedduu fi bulchiinsa magaalotaa lameen keessatti adeemsi ajandaa walitti qabuu waltajjiiwwan uummataa fi filannoowwan garaagaraan milkaa’inaan xumuramuu dubbataniiru.
Komishinichi sadarkaa federaalaa fi hawaasa diyaaspooraatti hojii ajandaa walitti qabuuf qophii taasisaa jiraachuu ibsaniiru.
Bakka bu’oota dhaabbilee fi waldaalee sadarkaa federaalaatti argaman irraa ajandaa walitti qabuuf torbanoota keessatti waltajjiin kan gaggeeffamu ta’uu ibsuusaanii TOI gabaaseera.
#Oromia #Ethiopia