Waltajjiin Obbolummaa Ummattoota Somaalee fi Afaar taa’amaa jira

Finfinnee, Bitootessa 16, 2017 (FMC) – Waltajjiin hariiroo Obbolummaa Ummatoota Somaalee fi Afaar caalmatti cimsu Finfinneetti taa’amuu eegaleera.

Ministir Deetaa Ministeera Nageenyaa Dooktar Keyiraddiin Tazarraa, Itti Gaafatamaa Waajjira Mana Maree Waliigalaa Dhimmoota Islaamummaa Itiyoophiyaa Ustaaz Abubakar Ahimaad, hayyoonni naannolee lamaanii, abbootiin amantaalee, jaarsoliin biyyaa fi kutaaleen hawaasaa garaagaraa waltajjicharratti hirmaachaa jiru.

Seenaan ummattoota naannolee lamaanii seenaa barootaaf jaalalaa fi tokkummaan ce’e ta’uu Ministirri Ministeera Nageenyaa Mahaammad Idiriis  marii qophii duraa kaleessa gaggeeffamerratti dubbatanii turan.

Walitti bu’iinsa darbee darbee mudatu furuun nageenya waaraa fi misooma itti fufaa mirkaneessuuf hojjetamaa jira jedhan.

Waltajjiin obbolummaa kun ijaarsa nageenyaaf qooda olaanaa qabaachuun eerameera.

Waltajjiin obbolummaa kun har’aa eegalee guyyoota lamaaf kan taa’amu ta’uu TOI gabaaseera.

#Oromia #Ethiopia