Itiyoophiyaan Yaa’ii diinagdee Afrikaa- Iraan 3ffaa irratti hirmaachaa jirti

Finfinnee, Ebla 20, 2017 (FMC) – Itiyoophiyaan Yaa’ii tumsa diinagdee Afrikaa- Iraan 3ffaafi Eksipoo Idil-addunyaa Iraan magaalaa Teeraanitti gaggeeffamaa jirurratti hirmaachaa jirti.

Yaa’ichi hariiroo indaastirii, daldalaafi invastimantii biyyoota Afrikaafi Iraan cimsuurratti kan kaayyeffate yoo ta’u jilli Itiyoophiyaa Ministir Deetaa Ministeera Indaastirii Hasan Moo’aaliin durfamu waltajjicharratti hirmaachaa jiraachuun ifoomeera.

Pireezidaantiin Iraan Masuud Peezishikiyaan waltajjicharratti haasawaa taasisaniin, biyyi isaanii muuxannoofi teeknooloojii  dameewwan fayyaa, daldalaa, indaastiriifi qonnaan qabdu biyyoota Afrikaaf qooduuf qophii ta’uu ibsaniiru.

Bara dhufutti hariiroo daldalaa Iraaniifi biyyoota Afrikaa gara Doolaara biiliyoona 10’tti guddisuuf akka karoorfame ibsamuus ragaan Ministeera Dhimma Alaarraa argame ni mul’isa.

#Oromia #Ethiopia