Itiyoophiyaa fi Emireetoonni Araba Gamtoomanii oomisha Teemiriirratti tumsaan hojjechuuf waliigalan

Finfinnee, Ebla 20, 2017 (FMC) – Itiyoophiyaa fi Emireetoonni Araba Gamtoomanii oomisha Teemiriirratti tumsaan hojjechuuf waliigaltee mallatteessaniiru.

Ministirri Ministeera Qonnaa Dooktar Girmaa Amanteen Emireetoota Gamtoomaniitti Barreessaa Olaanaan Innooveeshinii Qonnaa fi Kaliifaa Internaalishaan Teemir Awwaardi Dooktar Abdullahaab Zaayid waliin mari’ataniiru.

Naannoon Oromiyaa Godinaaleen Gujii fi Booranaa, Sululli Yaa’a Laga Awwaashii fi naannawaan Gammoojjii Afaar, Somaalee, Gaambeellaa, Dirre Dhawaa, Beenishaanguul Gumuz Misooma Teemiriif mijatoo ta’uu Dooktar Girmaan ibsaniiru.

Muuxannoo oomisha Teemirii qoodachuuf feestivaalli dhaabbilee biyyoota garaagaraa hirmaachise Itiyoophiyaatti qopheessuuf waliigalamuu eerameera.

Itiyoophiyaan dhaabbilee deeggartootaa waliin ta’uun feestivaalicha qopheessuuf qophii ta’uu ragaan Ministeera Qonnaarraa argame ni mul’isa.

#Oromia #Ethiopia