Dooktar Geediyoon Ministiroota Alaa Biraaziilii fi Raashiyaa waliin mari’atan
Finfinnee, Ebla 21, 2017 (FMC) – Ministirri Ministeera Dhimma Alaa Dooktar Geediyoon Xiimootiwoos Ministiroota Alaa Biraaziilii fi Raashiyaa waliin dhimmoota waloorratti mari’ataniiru.
Walga’ii Ministirootaa BRICS Biraaziil magaalaa Riyoo Dee Jeenoorootti gaggeeffamaa jiru cinaatti Ministira Dhimma Alaa Raashiyaa Sargee Laavroovii fi kan Biraaziil Maawuroo Viiyeraa waliin dhimmoota waloorratti mari’ataniiru.
Dooktar Geediyoon hariiroo waloo Itiyoophiyaa fi Raashiyaa caalmaatti cimsuun barbaachisaa ta’uu marii Sargee Laavroovii waliin taasiisaniin himaniiru.
Raashiyaan hariiroo seena qabeessaa fi hundagaleessa Itiyoophiyaa waliin qabdu caalmaatti cimsuuf murannoo qabaachuu Sargee Laavroov eeraniiru.
Dooktar Geediyoon Wabii nyaataa mirkaneessuu, oomishtummaa qonnaa guddisuu, ce’umsa anniisaa fi dameewwan biroo Itiyoophiyaan Biraaziil waliin qabdu haala caalmaatti cimsuun danda’amurratti Maawuroo Viiyeraa waliin mari’ataniiru.
#Oromia #Ethiopia