Aadaafi seenaa Oromoo guddisuufi dagaagsuuf karoora tarsiimaa’aa qopheessuun hojjetamaa jira- Aadde Sa’aadaa Abdurahamaan

Finfinnee, Guraandhala 30, 2017(FMC)-  Mootummaan Naannoo Oromiyaa, aadaafi seenaa Oromoo guddisuufi dagaagsuuf karoora tarsiimaa’aa qopheessee sosochii haaromsa aadaa gaggeessaa jiraachuu Af-yaa’iin Caffee Oromiyaa Aadde Sa’aadaa Abdurahamaan ibsan.

Haaromsa Aadaan, duudhaa Oromummaa sirnoomsuun, utubaa sirna bulchiinsaa Gadaa tokko jalatti aadaan Oromoo haaromee, deebi’ee latee akka dagaaguufi sirna ijaaraa jirruuf utubaa akka ta’uuf hojjechuu irratti argama jedhan.

Aadde Sa’aadaan sirna walharkaa fuudhiinsa baallii Gadaa Booranaa 72ffaa ilaalchisuun ergaa gama miidiyaa hawaasummaa isaaniin dabarsaniin, sirna walharkaa fuudhiinsa Baallii Gadaa Booranaa Marsaa 72ffaaf Areeroo Gooroo Ardaa Jilaa Badhaasaatti gaggeeffame irratti hirmaachuun milkiin goolabnee jirra jechuun ibsan.

Abbaa Gadaa haarawaa baallii fudhataniifis bara hojii gaarii hawwaaniiru.

#Oromia #Ethiopia