Aanaa Dandiitti Balaa Tiraafikaan lubbuun namoota 6 darbe

Finfinnee, Bitootessa 1, 2017 (FMC) – Godina Shawaa Lixaa Aanaa Dandii bakka addaa annaanoo jedhamutti balaa tiraafikaa mudateen lubbuun namoota 6 darbuun ibsame.

Balichi Konkolaataan deddeebisaa Uummataa Aanaa Gindabarat irraa gara Magaalaa Giincitti Imalaa ture garagaluun kan mudate ta’uun ibsameera.

Balichaan Lubbuun namoota 6 kan darbe yoo ta’u, namoota 16 irra immoo miidhaan qaama cimaa fi salphaan qaqqabuu ragaan Kominikeeshinii Aanaa Daandirraa argame ni mul’isa.

Namoonni miidhaan irra qaqqabe Hospitaala Jalqabaa Giincitti yaalamaa jiraachuun eerameera.

Ka’umsi balichaas qoratamaa jiraachuun ibsameera.

#Oromia #Ethiopia