Aanaa Walisootti balaa tiraafikaa qaqqabeen lubbuun namoota 4 darbe
Finfinnee, Guraandhala 14, 2017 (FMC) – Godina Shawaa Kibba Lixaa Aanaa Walisootti balaa tiraafikaa mudateen lubbuun namoota 4 darbuu ibsameera.
Balaa kanaan miidhaan qaamaa fi qabeenyaas gahuu Qajeelchi Poolisii Godina Shawaa Kibba lixaa himeera.
Konkolaataan fe’umsaa Siinoo Tiraakii jedhamu Aanaa Gooroo gara Walisoo deemaa ture konkolaataa deddeebisaa Ummataa Minibaasi imaltoota feetee Walisoorraa gara Walqixxee imalaa turteen walitti bu’uun konkolaachisaa Minibaasi dabalate namoonni 4 du’aa ibseera.
Namoota 13 irra ammoo miidhaan qaamaa cimaa gahuun Hospitaalaa Walii Galaa Walisoo fi Qidduus Luuqaasitti yaalamaa jiraachuu himameera.
Balichaan qabeenyi Birrii miiliyoona 1 oliitti shallagamu manca’uu fi ka’umsi isaa qoratamaa jiraachuu Itti Gaafatamaan kutaa xiqqaa nageenyaa tiraafikaa mirkanneessuu Waajjira Poolisii Aanaa Walisoo Inispeektara Itti Aanaa Alamaayyoo Bajjii himuu ragaan Komishinii Poolisii Oromiyaarraa argame ni mul’isa.
#Oromia #Ethiopia