Adwaan Duula nageenyaaf taasifameedha-Dooktar Abiy Ahimad

Finfinnee, Guraandhala 22, 2017 (FMC )-Ministirri Muummee FDRI Dooktar Abiy Ahimad Yaadannoo Injifannoo Adwaa 129ffaa sababeeffachuun ergaa baga geessanii dabarsan.

Duula Adwaa dura Itiyoophiyaanonni ejjennoo nageenyaaf qaban irra deddeebiin ibsaa akka turan kan yaadachiisan Dooktar Abiy, ejjennoon nageenyaaf qaban dhaadannoo fi qocolloo diinaa obsaan hanga dabarsuutti ture jedhan.

Waraanni weerartootaa xaaliyaanii gantoota filachaa, hidhachiisaa, gantoota kanneen mootummaa keessa galchuuf yaalii taasisaa, jeequmsa kaasaa, mootummaa Itiyoophiyaa himachaa, bakkeewwan tokko tokko to’achuuf yaalii taasisuu fi Itiyoophiyaa waltajjii idi-addunyaarratti gatii dhabsiisuuf dhamaa’aa akka turuu yaadachiisaniiru.

Itiyoophiyaan kana hunda obsaa fi qophiin ilaalaa akka turte ibsuun, Itiyoophiyaanonni dur irraa jalqabee waraana keessa jiraachuu, kanarraa ka’uun badii waraanaa kan beekan ta’uu eeraniiru.

Hammina waraanaa waan beekaniif hanga danda’ametti waraanarraa ni baqatu.

Yeroo tokko tokkos filannoo nageenyaaf wanta barbaachisu hunda ni taasisu jedhan.

Diinni kana hundarra darbee dhufu wayita isaan mudatu garuu nageenyaaf jecha duuluun, nageenyaaf jecha ni injifatu jechuun ergaa isaaniin ibsaniiru.

Duulli Adwaas akkuma kana, waraanni weerartootaa xaaliyaanii gara waraanaatti akka hin seenne kadhatamee turuu kan eeran Dooktar Abiy, filannoon nageenyaa dhiyaachuu fi haa ta’u malee obsa Itiyoophiyaa akka sodaatti, daandii filannoo nageenyaa Itiyoophiyaa akka mo’atamuutti lakkaa’uu kaasaniiru.

Diinonni keenya yeroo kamiyyuu tilmaama dogoggoraa ni hojjetu, Obsaa fi nageenya jaallachuun keenya ni dogoggorsaanii waraanni weerartootaa Xaaliyaanis ni dogoggore jedhan.

Ityoophiyaanonni garuu obsaa fi qophii taasisaa turuu yaadachiisuun, karaa hundumaan nageenya isaanii eeguuf qophiirra turuu ibsaniiru.

Bilisummaa, birmadummaa fi kabajni kan argamu nageenya biyyaa eeguun akka ta’e ni beeku, kanaaf nageenya isaanii irree isaaniin eeguuf qophii taasisuu eeraniiru.

Waraanni Adwaa humnoota nageenyaa fi waraanaaf waraanan gidduutti gaggeeffame ta’uu ibsuun, icitiin injifannoo keenyaa inni tokkos kanuma, nageenyaaf jennee malee waraanaaf jennee hin waraanne jedhan.

Waraana Adwaan gatii guddummaa duudhaa dhala namaa argineerra; qabiinsa booji’amtootaan, warreen nu waraanan waliin deebinee marii nageenyaaf taa’uun, nageenya waaraaf hojjechuu keenyaan jechuun ibsaniiru.

Abbootiifi haadholii keenya injifannoo gonfataniif qofa osoo hin taane gatii duudhaalee dhala namaaf kaffalaniif ni galateeffannaan jedhaniiru ergaa isaaniin.

Kan isaan waraanan nageenyaaf ta’uu ibsuun, kan isaan wal waraananis humna nageenyaa fi daandii nageenyaa fudhachuu dide waliin ta’uu eeraniiru.

Nuti ijoollee duultota Adwaati; nageenyaaf dursa ni kennina kan jedhan Dooktar Abiy, har’as diinonni keenya tilmaamaa dogoggoraa keessaa akka hin bane beekna; warreen karaa daandii nageenyaa dhufan simachuu warreen Adwaaf duulan irraa baranneerra jedhaniiru.
Warreen karaa nageenyaa hin dhufne adabuu, duultota Adwaarraa argineerra kan jedhan.

nutis akkuma abbootii keenyaa daandii nageenyaa filanna; ta’us ijoollee duultota Adwaa waan taaneef akkuma abbootii keenyaa filannoo lameeniifuu yoomiyyuu qophiidha.