Adwaan injifannoo Itiyoophiyaan seenaa addaa itti barreessiteedha – Lij Daani’eel Jootee

Finfinnee, Guraandhala 23, 2017 (FMC) – Adwaan injifannoo Itiyoophiyaan seenaa addaa itti barreessite mallattoo injifannoo ummattoota gurraachaa ta’uu Pireezidaantiin Waldaa Gootota Durii Lij Daani’eel Jooteen ibsan.

Guyyaan Yaadannoo Injifannoo Adwaa 129ffaan mata duree ‘Adwaa Injifannoo Ummattoota Guraachaa’ jedhuun sagantaalee adda addaan kabajamaa jira.

Saganticharratti argamuun ergaa kan dabarsan Pireezidaantiin Waldaa Gootota Durii Lij Daani’een Jooteen, Adwaan Injifannoo Afrikaanootaa fi Ummattoota Gurraachoota hunda kabachiise injifannoo addaa ta’uu kaasaniiru.

Lammiileen Itiyoophiyaa Afaanii fi Aadaa adda addaa qabaataniis garaagarummaa keessatti tokkummaan weerartoota barbadeessaniiru jedhan.

Ammas dhaloota beekumsa seenaa kaleessaa goonfate, isa Boruuf kan yaadu horachuun barbaachisaa ta’uu hubachiisaniiru.

#Oromia #Ityoophiyaa