Afrikaan Mana Maree Nageenyaa Mootummoota Gamtoomaniitti teessoo dhaabbii argachuuf hojjechuu qabdi – Pireezidaanti Taayyee

Finfinnee, Bitootessa 4, 2017 (FMC) – Afrikaan Mana Maree Nageenyaa Mootummoota Gamtoomaniitti teessoo dhaabbii argachuuf hojjechuu akka qabdu Pireezidaantiin FDRI Taayyee Atsiqasillaaseen ibsan.

Dura taa’aa haaraa Komishinii Gamtaa Afrikaa ta’uun kan filataman Mahaammad Alii Yuusuuf dura taa’aa duraanii gamtichaa Muusaa Faakii Mahaammatirraa aangoo fudhataniiru.

Murtoon idil addunyaa dhugoomuu kan danda’u wayita Afrikaan Mana Maree nageenyaa Mootummoota Gamtoomaniitti iddoo maluuf argatte jedhan Pireezidaanti Taayyeen sirnicharratti argamuun ergaa dabarsaniin.

Murtoon murtaa’u Afrikaa kan himaachise ta’uu akka qabu hubachiisaniiru.

Keessattuu ajandaalee Nageenyaa, tasgabbii fi misoomarratti Afrikaan qaama murtoo kennuu ta’uu qabdi jedhan.

Afrikaan Mana Maree Nageenyaa Mootummoota Gamtoomanii keessatti teessoo dhaabbii hanga argatuutti sochiin eegalamaan cimee itti fufuu akka qaban yaadachiisaniiru.

#Oromia #Ethiopia