Afrikaatti Humna Elektirikaa maddisiisuuf kan oolu Doolaarri biiliyoonni 35 ramadamuufi jedhame
Finfinnee, Amajjii 20, 2017 (FMC) – Baankiin Addunyaa, Baankiin Misooma Afrikaa fi Dhaabbileen biroo Afrikaatti Humna Elektirikaa babal’isuuf kan oolu Doolaara biiliyoonni 35 ramaduuf waadaa galuu isaanii gabaafame.
Hoggantoonni biyyoota Afrikaa fi Dhaabbilee idil addunyaa dhimma kana ilaalchisee Taanzaaniyaa Daareesalaamitti mari’achuu ibsameera.
Humna Elektirikaa hojiilee kunuunsa fayyaa fi hojiilee biroof argachuun rakkisaa ta’uu Pireezidaantiin Baankii Addunyaa Ajaay Baangaan ibsaniiru.
Yaa’iin Hoggantootaa kun waggootaan 6 keessatti qofa lammiilee Afrikaa miiliyoona 600 keessaa walakkaan isaanii Tajaajila Elektirikaa akka argataniif waadaa galuu isaanii ‘ New York Times’ gabaaseera.