Ameerikaan baqattoonni kamuu gara biyya ishee akka hin seenne yeroof dhorkite

Finfinnee, Amajjii 14, 2017 (FMC) – Baqattoonni kamuu gara Ameerikaa akka hin imalle Ministeerri Dhimma Alaa biyyattii yeroof dhorkuu beeksise.

Adeemsi dhimma baqattootaa ilaaluu hundi akka dhaabbatu ajajni darbuu BBCn CBS wabeeffachuun gabaaseera.

Tarkaanfin bulchiinsi Tiraamp fudhate kun kanneen Viizaa Immigireeshinii Addaa qabaniifi humnoota waraanaa Ameerikaa gargaaraan hin ilaallatu jedhame.

Doonald Tiraamp Wiixata darbe akkuma sirna kakuu raawwataniin ajaja Pireezidantummaa dabarsan keessaa tokko dhimma baqattoota seeran alaa biyyaa baasuu ture.

Kanumarraa ka’uun baqattoonni gara US akka seenne dhorkaan kaa’ameera.

Tiraamp godaantonni seeran ala Ameerikaa seenuun nageenya biyyattii yaaddeessaa akka jiruufi baqattoonni karaa seera qabeessa ta’e qofaan akka biyyattii seenan irra deddeebin qeeqaa turan.

#Oromiyaa #Ethiopia