Ameerikaan Dhaabbata gargaarsaa‘USAID’ cufuufi jedhame

Finfinnee, Amajjii 26, 2017 (FMC) – Dhaabbanni gargaarsaa ‘USAID’ akka cufamu Pireezidaantii Ameerikaa Doonaaldi Tiraampi waliin waliigalteerra gahamuu Eloon Maask beeksisan.

Dureessi Ameerikaa fi bulchiinsa Tiraamp jalatti bu’a qabeessummaa dhaabbilee Federaalaa kan to’atu Eloon Maask Ejensiin gargaarsaa guddicha biyyattii, USAIDn akka cufamu Pireezidaant Doonaaldi Tiraampi waliin waliigalteerra gahamuu ibsaniiru.

Dhaabbanni Ameerikaan baroota dheeraaf biyyoota guddachaa jiraniif deeggarsa namoomaa dhiyeessuufi hojii misoomaa deeggaruun beekamu cufamuuf akka deemu himaniiru.

Dilbata darbe bulchiinsi Tiraamp aanga’oota nageenyaa USAID lama aangoorraa kaasuu Rooyitarsi maddeen sadii waabeffachuun gabaaseera.

Dhaabbatichi Bara Faranjootaa 2023 keessa Doolaara biiliyoona 72 baasii gochuun biyyoota addunyaa garaagaraa keessatti fayyaa dubartootaa, bishaan dhugaatii qulqulluu, namoota waraanaan miidhamanii fi HIV/AIDS qolachuurratti hojiilee jajjaboo raawwachuu BBCn gabaaseera.

#Oromia #Ethiopia