Finfinnee, Amajjii 15, 2017 (FMC) – Bulchiinsa magaalaa Adaamaatti dargaggootaaf carraa hojii uumuuf xiyyeeffannoon hojjetamaa jiraachuu ibsameera.
Magaalichaatti dargaggootni piroojektii Biqatiin gosa hojii gara garaarraatti leenjii fudhachuun gara hojii galaniif sirni beekamtii kennameera.
Bara kana dargaggoota kuma 1 fi 700 ol ta’aniif leenjiin addaa piroojekti Biqatiin kennamee gosa hojii adda addaa irraatti bobba’uu eerameera.
Magaalaa Adamaatti dargaggoota kuma 41 ol ta’anif carraan hojii uumamuu Itti Gafaatamaan Waajjirra Carraa Hojii Uumuu fi Ogummaa magaalaa Adamaa obbo Abdurqadir Xaayibuu dubbataniiru.
Magaalichaatti Inisheetivonni hojjetama jiran jiruu fi jireenya hawaasa bifa jijjiiru danda’uu fi dargaggootaf carraa hojii uumuun hojjetamaa jiraachuu Itti Aanaan Kaantibaa magaalaa Adamaa Obbo Matiyoos Sabooqaan eeraniiru.
Akka naannoo Oromiyaatti leenjii shakkalii hojiirraa magaaloota 3 keessatti jalqabuu Hoggantuu Itti Aantuu Biiroo Carraa Hojii Uumuu fi ogummaa Oromiyaa Aadde Magartuu Mohammad ibsaniiru.
Midhaksa Qachaatu gabaase.