Finfinnee, Bitootessa 2, 2017 (FMC) – Bulchiinsa Magaalaa Adaamaatti manneen lukkuu kuma tokkoo fi sheediiwwan nyaata saffisaa daandiirraa dhiyeessuuf gargaaran namoota harka qalleeyyiif kennaman.
Inisheetiivii badhaaadhina maatii qabatamaan hojitti jijjiruuf magaalichatti hojiilee hojjetamaa jiraniin, namoonni harka qalleeyyiin booroo isaaniiti hojjetanii jireenya isaanii akka foyyeffataniif manneen lukkuu kuma tokko, lukkuu kudhan waliin kennamuun ibsame.
Bifuma walfakkaatuun namoota 50’f sheediiwwan nyaata saffisaa daandiirraa dhiyeessan kennamaniiru.
Magaalichatti wabii nyaataan of danda’uuf xiyyeeffannoon hojjetamaa jiraachuu Itti Aanaan kantiibaa Magaalaa Adaamaa Obbo Maatiwoos Sobbooqaa ibsaniiru.
Namoonni mana lukkuu fi sheediiwwan argatan hojjetanii aadaa qusannaa jabeeffachuun jijjiirama bu’aa qabeessa fiduu akka qaban hubachiisaniiru.
Manneen lukkuu fi sheediiwwan kanneen baasii Birrii miiliyoona 11 fi kuma 900’n kan bitaman ta’uun eerameera.
Muhaammad Guddataatu gabaase
#Oromia #Ethiophia