Finfinnee, Guraandhala 28, 2017 (FMC) – Afrikaan dhaabbilee idil-addunyaa keessatti bakka bu’ummaa isheef malu akka argattuuf deeggarsa kan taasistu ta’uu Chaayinaan ibsite.
Ministirri Dhimma Alaa Chaayinaa Waang Yuun ibsa laataniin, biyyoonni guddinarra jiran dhaabbilee idil-addunyaa keessatti bakka bu’ummaa akka argataniif hojiileen eegalaman cimanii itti fufuu qabu jedhan.
Waltajjiin Tumsaa Chaayinaa Afrikaa bara kana waggaa 25ffaa kan qabatu ta’uu eeruun, waggoottan kanneen keessatti milkaa’inni hedduun argamuu kaasaniiru.
Keessumaa gama bu’uuraalee misoomaa fi diinagdeen bu’aa guddaan argameera jechuu isaanii Chaayinaa Deeyiliin gabaaseera.
Jarraa 21ffaa kanatti addunyaan Afrikaaf bakka madaalu hin laanne bu’aa fiduu akka hin dandeenye eeruun, hojiileen fooyyessa dhaabbilee idil-addunyaa eegalaman kana ilaalcha keessa galchuu qabu jedhan.
Ardittii bu’uuraalee misoomaan walitti hidhuurra darbee wabii nyaataa ishee akka mirkanneeffattuuf Chaayinaan deeggarsa taasistu cimsitee kan itti fuftu ta’uu ibsaniiru.
#Oromia #Ethiopia