Finfinnee, Guraandhala 23, 2017 (FMC) – Raayyaa Ittisaa biyyaatti Ajajni Giddugala Daalool guyyaa injifannoo Adwaa 129ffaa kabajeera.
Injifannoon Adwaa, injifannoo tokkummaafi jaalala biyyaa guddise ta’uu ajajichi ibseera.
Guyyichi mata duree ‘Adwaa Injifannoo Ummattoota Guraachaa’ jedhuun qophiilee garaagaraan sadarkaa biyyaatti kabajameera.
Ajajaan Waliigalaa Giddugala Dalool Leetenal Jeneraal Zawduu Balaay, saganticharratti ergaa dabarsaniin, Adwaa ni yaadanna, Itiyoophiyaa cimtee dhaabbattee dhaloota itti aanuuf ni dabarsinaa jedhan.
Biyya abbootiin gootummaan birmadummaa ishee tiksaanii nu dhaalchisaan nutis tiksinee dhaloota itti aanuuf dhaalchifna jedhan.
Saganticha irratti miseensoota yeroo tajaajila isaanii xumuranii fi Raawwii hojii gaarii galmeessisaniif sadarkaan guddina gulantaa kennameera.
Tasfaahun Kabbadaatu gabaase.
#Oromia #Ityoophiyaa