Finfinnee, Bitootessa 27, 2017(FMC) – Ayyaanni Shuwaaliid Ayyaana tokkummaafi sabdaneessummaa cimsu akka ta’e Pireezidaantiin Naannoo Hararii obbo Ordiin Badriin ibsan.
Ayyaanni Shuwaaliid 1,446ffaan bakka hoggantoonni olaanoon mootummaa fi keessummoonni garagaraa argamanitti magaalaa Hararitti kabajamaa jira.
Ayyaanichi ayyaana tokkummaafi sabdaneessummaa cimsu, naannicharra darbee Itiyoophiyaafi sadarkaa idil-addunyaatti beekamtii kan argate ta’uu obbo Odriin ibsaniiru.
Dame tuurizimii jajjabeessuu keessattis qooda olaanaa bahachaa jira jedhan.
Ayyaanicha dabalatee hambaaleen seenaa biroon dudhaalee isaanii eeganii dhalootatti akka darbaniif hojjetamaa jiraachuus kaasaniiru.
Taammiraat Dalaliitu gabaase.