Finfinnee, Amajjii 19, 2017 (FMC) – Baatiiwwan Jahan darban Qorichaaleen Birrii biiliyoona 17 baasan raabsamuu Tajaajilli Dhiyeessa Qorichaalee Itiyoophiyaa ibseera.
Fooyyessi Diinagdee Gooroo fi Sosochiin Itiyoophiyaan yaa oomishtuu dandeettii biyya keessatti qoricha oomishuu cimsuu Daayrektarri Olaanaan tajaajilichaa Abduulqaadir Galgaloon ibsaniiru.
Oomishaaleen kana dura sharafa alaa olaanaan alaa galaa turan biyya keessatti oomishamuu eegaluu himaniiru.
Keessattuu oomishaaleen akka Guwaantii fi Siriinjiin bal’inaan biyya keessatti oomishamaa jiraachuu kaasaniiru.
Bara baajataa 2017 meeshaaleen yaala fayyaa Birrii biiliyoona 14 baasan bitamuun Mankuusaatti galuu isaanii dubbataniiru.
Akkasumas baatiiwwan jahaan darban qorichaalee ittisa Dhibee Busaa fi Kaansarii fiixee gadameessaaf oolan dabalatee qorichaaleen sagantaa fayyaa Birrii biiliyoona 17 baasan raabsamuu Abduulqaadir Galgaloon himuu TOI gabaaseera.
#Oromia #Ethiopia
Odeeffannoowwan waqtaawaa dabalataa argachuuf;
Teelegraama https://t.me/afanoromofana
Yuutyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Twiitara https://twitter.com/fanatelevision nu duukaa bu’aa
Feesbook:https://www.facebook.com/afaanoromoofana/
Yeroo maraa nu waliin waan taataniif isin galateeffanna.