Finfinnee, Ebla 10, 2017 (FMC) – Baatiwwan saglan darban keessa Killeen biiliyoonni 6.3 fi Qurxummiin Tooniin kumni 100 fi kumni 92 oomishamuu Ministeerri Qonnaa beeksise.
Erga sagantaan Maaddii Guutuu eegalamee as bu’aa olaanaan argamuu Ministir Deetaan Ministeera Qonnaa Dooktar Fiqiruu Raggaasaan ibsaniiru.
Sagantichi oomishaa fi oomishtummaa dabaluun wabii nyaataa fi sirna nyaataa mirkaneessuu keessatti fooyya’iinsa olaanaa argamsiisuu dubbataniiru.
Baatiwwan saglan darban keessa Cuuciiwwan miiliyoonni 90 hawaasaaf raabsamuu himaniiru.
Killeen biiliyoonni 6.3 fi Foon Lukkuu Tooniin kumni 100 fi kumni 28 ol oomishamuu Dooktar Fiqiruun eeraniiru.
Baatiwwan saglan darban sagantaa Maaddii Guutuun dhiyeessiin oomisha Qurxummii dabaluu himuun, Qurxummiin Tooniin kumni 100 fi kumni 92 oomishamuu kaasuu TOI gabaaseera.