Finfinnee, Bitootessa 24, 2017(FMC) – Bitootessi 24 guyyaa Itiyoophiyaan sirna siyaasaa hirmaachisaafi hammataa itti dhugoomsite ta’uu Itta aanaan Daayrektara Jeneraalaa Tajaajila Nageenya Odeeffannoo Obbo Ristuu Yirdaawu ibsan.
Hoggantoonniifi hojjettoonni tajaajilichaa guyyaa jijjiiramni biyyalessaa itti dhugoome Bitootessa 24 sababeeffachuun mata duree “ Kaleessa, Har’aafi Boru Guddummaa Itiyoophiyaaf” jedhuun marii paanaalii gaggeessaniiru.
Marichaan cinaattis sagantaan dhiiga arjoomuu gaggeeffamuun ibsameera.
Obbo Ristuun waltajjicharratti, Bitootessi 24 guyyaa itti Itiyoophiyaan taateewwan seena qabeeyyii lama gonfatte ta’uu ibsuusaanii tajaajilichi ibsa Faanaa Miidiyaa Korporeeshiniif ergeen eereera.
Mirga itti fayyadama laga Abbayyaa Hidha Guddicha Haaromsaa bu’uuressuun dhugoomsuun danda’amuu kaasanii , gama Kanaan Itiyoophiyaanotarra darbee uummata gurraacha biratti miira ni danda’amaa uumuu dandeenyeerra jedhan.
Kana maleessi Bitootessi 24 guyyaa Itiyoophiyaan itti sirna siyaasaa hirmaachisaafi hammataa ta’e itti dhugoomsite ta’uu ibsaniiru.
Milkaa’inoota gama hundaan waggoottan jijjiiramaa keessa galmaa’an itti fufsiisuuf ergama nageenya biyyaafi faayidaa biyyaalessaa mirkaneessuuf akka dhaabbataatti nutti kennameef hundi kutannoon hojjechuu qaba jedhaniiru.
#Oromia #Ethiopia