Finfinnee, Guraandhala 23, 2017 (FMC) – Embaasiiwwan biyyoota garaagaraa Itiyoophiyaatti argaman guyyaa yaadannoo injifannoo Adwaa 129ffaa sababeeffachuun ergaa baga geessanii dabarsaniiru.
Embaasiin Ameerikaa Itiyoophiyaatti argamu Adwaan injifannoo cichoominaa, tokkummaa fi mallattoo sabdaneessummaa ta’uu ergaa baga geessanii dabarseen ibseera.
Embaasiin Raashiyaa Itiyoophiyaatti argamus Badhaadhinaa fi milkaa’ina Itiyoophiyaaf hawweera.
Injifannoon Adwaa mallattoo cichoominaa fi tokkummaa Itiyoophiyaanootaa ta’uu Embaasiin Israa’el Itiyoophiyaatti argamus ergaa baga geessanii dabarseen himeera.
Akkasumas Embaasiin Kaanaadaa Itiyoophiyaatti argamus Gootummaa, tokkummaa fi cichoomina Itiyoophiyaannoonni Adwaarratti argasiisaniif kabajatu mala jechuun ibseera.
Embaasiin Ingiliiz, Jarman, Kuubaa, Siriilaankaa fi kanneen biroo Itiyoophiyaatti argaman ergaa baga geessanii dabarsaniiru.
Guyyaan Yaadannoo Injifannoo Adwaa 129ffaan mata duree ‘Adwaa Injifannoo Ummattoota Guraachaa’ jedhuun kabajamaa jira jedhame.
#Oromia #Ityoophiya