Finfinnee, Bitootessa 26, 2017 (FMC) – Siiviil Aviiyeeshiniin Chaayinaa Taaksii geejjiba qilleensarraa nama maleessa akka addunyaatti isa jalqabaa ta’eef eeyyama kennuu ifoomse.
Dhaabbileen Geejjiba Qilleensarraa ‘E haang Holdiingii fi Heefi Heey’ jedhaman kan dhiyeessan Teeknooloojii Taaksii Qilleensaa nama maleessa kanaaf eeyyama kennuu himeera.
Konkolaataan nama maleessi qilleensarra balali’u kun meeshaalee Teeknooloojii ammaayyaa kan hidhate ta’uus ‘News Atlas’ gabaaseera.
Taaksiin Geejjiba Qilleensarraa nama maleessi kun iddoolee hawwata Tuurizimiirratti kan xiyyeeffatuu fi yaalii balallii gabaabaan hojii kan eegalu ta’uun ibsameera.
Chaayinaan Teeknooloojii Taaksii Geejjiba qilleensarraa hanga meetira kuma 1 ol ka’anii balali’uu danda’an oomishuun adda duree ta’uuf xiyyeeffannoon hojjechaa jiraachuu ‘News Week’ miidiyaalee Chaayinaa wabeeffachuun gabaaseera.
#Oromia #Ethiopia