Finfinnee, Guraandhala 29, 2017 (FMC) – Lammiin Itiyoophiyaa dargaggoo Charinnat Hariifoon Mootummoota Gamtoomaniitti Bakka Bu’aa Dhaabbii Dhaabbata Misoomaa Mootummoota Bahaa Afrikaa ta’uun mudame.
Dargaggoon umrii waggaa 23 Charinnat Hariifoon xalayaa muudama isaa Barreessaa Olaanaa Mootummoota Gamtoomanii Antooniyoo Guutareeziif kenneera.
Ijoollummaa isaan gara Keeniyaatti kan imale Charinnat Hariifoon barnoota isaa sadarkaa jalqabaa Mana Barumsa Naayiroobii Kiiliimaaniitti hordofe.
Sana booda gara Ameerikaa imaluun barnoota sadarkaa 2ffaa mana Barumsaa Peensiliveeyaa Loowar Meeriiyoon jedhamutti barate.
Carraa Iskoolaarii karaa Mana Barumsichaa argateen Yuunivarsiitii Teempil galuu danda’eera.
Muummee Saayinsii Siyaasaa fi seeraan digirii jalqabaan eebbifameera.
Yeroo ammaa Yuunivarsiitii Peensiliveeniyaatti digirii 2ffaa Paablik Administireeshiiniin hordofaa jira.
Dhimmoota Godaantotaa fi Barnootaa ilaalchisee waltajjiiwwan Mootummoota Gamtoomanii dabalatee waltajjiiwwan idil addunyaarratti hirmaachaa tureera jedhame.
Dargaggoon umrii ijoolummaa isaatti Dippiloomaatii ta’e kun Afaan Oromoo, Afaan Amaaraa, Afaan Tigree, Iswaahiilii, Afaan Ingilizii fi Faransaay haalaan dubbachuu danda’a jedhameera.
Hayilamaariyaam Taganyiin.
#Oromia #Ityoophiyaa