Finfinnee, Guraandhala 10, 2017 (FMC)- Daandiin Qilleensaa Itiyoophiyaa filannoo duraa dureewwan biyyoota Afrikaa Yaa’ii 38ffaa Gamtaa Afrikaarratti hirmaatanii ta’uutti akka gammadu ibse.
Yaa’iin Gamtaa Afrikaa Fnfinneetti gaggeeffame milkaa’inaan xumurameera.
Xumuramuu yaa’ichaa hordofees dureewwan biyyoota Afrikaa hedduun Daandii Qilleensaa Itiyoophiyaan gara biyya isaaniitti deebi’aniiru.
Guyyaa har’aas Pireezidaantii Rippaablikii Laayibeeriyaa Jooseef Bookaay, Pireezidaantii Rippaablikii Burundii Evirastee Nidaashiimiyee, Pireezidaantii Rippaablikii Afrikaa Giddugaleessaa Roowustiin Taawudeeraa, akkasumas Pireezidaantii Ittaana Rippaablikii Gaambiyaa Muhaammadi Jaaloowu daandichaa filachuun gara biyya isaanii deebi’uun ibsameera.
Daandiin Qilleensaa Itiyoophiyaa tajaajila olaanaa kennuun, hariiroo Afrikaanota gidduutti cimsaa, ergama Addunyaa walitti fiduu bahachaa jiraachuu ibsuu ragaan daandichaarraa argame ni mul’isa.
#Oromia #Ethiopia