Finfinnee, Guraandhala 10, 2017 (FMC)-Waraanaa Yuukreenii fi Raashiyaa gara marii nagaatti fiduuf Dippilomaatonni Raashiyaa gita isaanii Ameerikaa waliin Sa’ud Arabiyaatti mari’achuuf ta’uun gabaafame.
Raashiyaan Jilla Ministira Dhimma Alaa Seergee Laavroovii fi Gorsaa Olaanaa Kireemliin Yurii Ushikooviin durfamu gara Sa’ud Arabiyaatti ergiteetti.
Haaluma walfakkaatuun Ministirri Dhimma Alaa Ameerikaa Maaroo Ruubiyoo, Gorsaa Nageenyaa Biyyaalessaa Pireezidaanti Tiraampi, Maayik Waaltizi fi Baha Giddugaleessaatti Ergamaan Addaa Ameerikaa Isteev Wiitkoof Riyaadiin galuun dhaga’ameera.
Maricharratti Jilli Yuukreen kan hinhirmaannee ta’u, sadarkaa nama dhuunfaatti dippiloomaatiin Kiyeeviin bakka bu’uun hirmaatu jiraachuu mala jedhameera.
Pireezidantiin Ameerikaa Doonaaldi Tiraamp waraanaa Yuukireenii fi Raashiyaa gidduu dhaabsisuuf Pireezidaantii Raashiyaa Vilaadmiir Putiin waliin bilbilaan mari’achuun ni yaadatama.
Marii jila dippiloomaatota biyyoota lameenii bor taa’amu kun waliigalteen kan xumuramu taanaan Pireezidanti Doonaaldi Tiraampi waraana booda yeroo jalqabaaf walarguun mari’achuu danda’uu jedhamuu Rooyitersi gabaasera.
Miikiyas Ayyalaatu gabaase.
#Oromia #Ethiopia