Finfinnee, Guraandhala 28, 2017 (FMC) – Dorgommii Biskileetii Tuurii Gadaa marsaa 8ffaan walharkaa Fuudhiinsa Baallii Gadaa Booranaa haaromsan boodaa 72ffaa sababeefachuun magaalaa Yaaballootti gaggeeffamaa jiraachuun ibsame.
Dorgomichi mata duree “Biskileetiin Dorgomaa Aadaa fi Seenaa keenya beeksisna”Jedhuun gaggeeffamaa jira.
Dorgomtoonni hirmaatanis Naannoo Oromiyaa, Tigraayi, Amaaraa, Sidaamaa, Hararii, Naannoo Giddugalessa Itiyoophiyaa, magaalaa Finfinnee fi Dirre Dhawaa irra kan walitti babba’an ta’uun ibsameera.
Gareen Embaasii Ruwaandaarras Dorgommicharratti hirmaachuun eerameera.
Kilaboonni hirmaatan immoo Gaarad kilabii Elektirikii Itiyoophiyaa, kilabii Akkaadamii Ispoortii Itiyoophiyaa, kilabii bulchiinsa Magaalaa Shaggar, Kilaba Poolisii Finfinnee fi Garee biyyaalessaa Ruwaandaa kiigaalii hirmaachaa jiru.
Dorgommii kanarratti hoggantoonni olaanoo Mootummaa Naannoo Oromiyaa fi Hawaasni naannawichaa argamaniiru.
Kululaa Garbichaa fi Asteer Geetaahuntu gabaase.
#Oromia #Ethiopia