Finfinnee, Bitootessa 27, 2017( FMC)- Fiigichi Guddichi Jimmaa Itiyoo-Telekoom 2017 guyyaa boruu kan gaggeeffamu ta’uun ibsame.
Fiigichicha, Fiigicha Guddicha Itiyoophiyaatti fi Magaalaan Jimmaa waliin ta’uun kan qopheessan ta’uu ibsameera.
Kantiibaan magaalaa Jimmaa Xahaa Qamar dorgommicha ilaalchisee ibsa kennaniin, fiigichichi wayita Jimmaan imala guddinaa olaanaa agarsiisaa jirtutti gaggeeffamuun isaa dadammaqiinsa tuurizimii magaalichaaf shoora olaanaa qabaachuu himan.
Dorgommicharratti hirmaattonni biyyoota 15 irraa walitti baba’an 100 fiigicha kiiloo meetira 15 irratti akka hirmaatan eerameera.
Fiigichi kun ganama obboroo sa’aatii 12:30 irraa eegalee akka gaggeeffamu ibsameera.
Dabalataan ganama sa’aatii 1:30 irraa eegalee dorgommiin fiigichaa ijoollee waggaa 11 gadii kan gaggeeffamu ta’uun ibsameera.
Ganama sa’aatii 2:00’tti ammoo fiigichi kiiloo meetira 5 kan namoonni kumni 2 fi 500 irratti hirmaatan ni gaggeeffama jedhameera.
Warqaafarraawu Yaalawutu gabaase.