Finfinnee, Bitootessa 10, 2017(FMC) – Gareen Atileetiksii Itiyoophiyaa shaampiyoonaa Atileetiksii Mana keessaa Idil addunyaa irratti hirmaatu gara Naanjingi Chaayinaatti halkan edaa qajeeleera.
Garichi atileetota 12, leenjistoita 2, dursaa garee 1, dursaa garee tekinikaa 1, ogeessa olaanaa fayyaa 1 fi ogeessa fiiziyooteeraappii 1 kan of keessaa qabuudha.
Ministir Deetaan damee Misooma Ispoortii Ministeera Aadaa fi Ispoortii Makkiyuu Mahaammad fi pireezidaantiin Federeeshinii Atileetiksii Itiyoophiyaa Komaandar Atileet Silashii Sihiin Buufata Xiyyaaraa Idil Addunyaa Booleetti argamuun garicha jajjabeessuun geggeessuu isaanii ragaan Federeeshinicharraa argame ni mul’isa.