Giddugalichi Itiyoophiyaaf carraawwan haaraa kan uumuu fi madda qabeenyaa kan ta’uudha – Kantibaa Adaanechi Abeebee

Finfinnee, Guraandhala 22, 2017 (FMC) – Giddugalli Konveenshinii Idil Addunyaa Addis Itiyoophiyaaf carraawwan haaraa kan uumuu fi madda qabeenyaa kan ta’uudha jedhan Kantibaan Magaalaa Finfinnee Aadde Adaanechi Abeebeen.

Ministirri Muummee FDRI Dooktar Abiy Ahimad har’a Giddugala Konveenshinii Idil Addunyaa Addis eebbisiisaniiru.

Itiyoophiyaaf carraawwan haaraa kan fidu, madda qabeebyaa kan ta’u, akkasumas maqaa biyyaa ijaaruu fi hawwata Tuuristiif giddu gala gahee olaanaa qabu ta’uu Aadde Adaanech fuula fuula miidiyaa hawaasummaa isaaniin ibsaniiru.

Giddugalichi Hoteela Ammayyaa abbaa Urjii 5, Reestoraantiiwwan, giddugala Ispoortii, buufata fayyaa, bakka bashannanaa fi tajaajiloota biroo kan of keessatti hammate ta’uu kaasaniiru.

#Oromia #Ityoophiyaa