Finfinnee, Guraandhala 23, 2017 (FMC) – Guyyaan yaadannoo injifannoo Adwaa 129ffaa Naannoo Sidaamaa magaalaa Hawaasaa fi Harariitti kabajamaa jira.
Ayyaanichi naannoo Harariitti sagantaalee garagraan kabajamaa jira.
Dhaloonni har’aa oogummaa garaagarummaa keessatti biyya ijaaruu abboota irraa barachuun nagaa fi tokkummaa cimsee walabummaa diinagdee goonfachuuf tokkummaa qabaachuu akka qabu Hogganaan Biiroo Dhimmoota kominikeeshinii naannichaa Obbo Heenok Mulunaa ayyaanicharratti ibsaniiru.
Ittigaafatamaan Waajjira Paartii Badhaadhinaa naannichaa Obbo Geetuu Wayyeessaan gama isaaniin injifannoon Adwaa garaagarummaa keessatti tokkummaa fi waltumsi kan ittiin mul’ate ta’uu eerani,akkuma abbootiin injifannoo kana uummata gurraachaaf gumaachan, dhaloonnis hiyyummaa irratti duuluun hojiilee misoomaa eegalaman ittifusiisuuf ittigaafatamummaa akka qaban hubachiisaniiru.
Haaluma walfakkaatuun Naannoo Sidaamaa magaalaa Hawaasaattis guyyichi kabajamaa jira.
Hirmaattonni ayyaanichaa dhaadannoo adda addaa qabatanii agarsiisa dhiyeessuun kabajaa kan jiran yoo ta’u, Gootota duraanii dabalatee hoggantoonni mootummaa naanichaa fi hawaasni hirmaataa jiru.
Tasfaayee Hayiluu fi Dabriitu Bazzaabbihitu gabaase.
#Oromia #Ityoophiyaa