Finfinnee, Guraandhala 17, 2017 (FMC)– Hariiroon damee hedduu Paartii Badhaadhinaa fi Paartiin AK Turki cimee itti fufuu Pireezidaantii Itti Aanaan Paartii Badhaadhinaa Obbo Adam Faaraah ibsan.
Obbo Adam Faaraah Yaa’ii Waliigalaa Paartii AK irratti argamuun waliigaltee waloo Paartii Badhaadhinaa fi Paartii AK gidduutti mallatteeffame hojiirraa oolchuuf hojiitti seenamuu himaniiru.
Itiyoophiyaa fi Turki hariiroo dippiloomaasii baroota dheeraa lakkoofsiseen bu’aaleen argaman waliigaltee paartiilee lameeniin, hiriiroo paartii fi paartii cimsuun, bu’aalee dippiloomaasii, hawaasummaa fi diinagdee galmeessuuf haala mijataa uumuun akka danda’e dubbatan.
Walta’iinsaa fi bu’aalee dameewwan investimentii, daldalaa, tuuriizimii, barnootaa, teeknooloojii fi dhimmoota naannawaa fi Idil Addunyaa daran cimsuun akka itti fufan, hariiroo cimaan paartilee gidduutti uumamu gama miidiyaa hawaasummaa isaaniin himaniiru.
Yaa’ii waliigalaa Paartii AK’rratti Pireezidaantiin Turk Rasiip Xayib Erdohaan dura ta’aa ta’uun, akkasumas kanneen hoggansa paartichaa ta’uun filamaniif ergaa baga gammaddanii dabarsaniiru.
#Oromia #Ethiopia