Finfinnee, Amajjii 15, 2017 (FMC) – Ijaarsaaleen Piroojektootaa yeroo kennamee fi baajata qabameen qulqullinaan akka xumuraman hordoffiin barbaachisaa ta’uu Koreen Dhaabbii Dhimmoota Misooma Magaalaa fi Geejjibaa hubachiise.
Mana Maree Bakka Bu’oota Ummataatti Koreen Dhaabbii Dhimmoota Misooma Magaalaa fi Geejjibaa raawwii walakkaa waggaa Ministeera Magaalaa fi Bu’uuraalee Misoomaa gamaaggameera.
Ijaarsaaleen Piroojektootaa yeroo kennamee fi baajata qabameen qulqullinaan akka xumuraman deeggarsii fi hordoffiin eegalame akka cimu Itti Aanaa Walitti Qabaan korichaa Dooktar Isheetuu Tamasgeen hubachiisaniiru.
Hojiilee damichaan hojjetaman qulqullina isaanii mirkaneessuuf ragaaleen jiran Teeknooloojii ammaayyaan gurmaa’uu akka qaban eeraniiru.
Ijaarsaalee Piroojektootaa yeroo kennamee fi Baajata qabameen qulqullinaan xumuruuf xiyyeeffannoon hojjetamaa jira jedhan Ministirri Ministeera Magaalaa fi Bu’uuraalee Misoomaa Aadde Caaltuu Saaniin.
Walakkaa waggaa kanatti ijaarsii Daandii Kiiloo Meetira kuma 100 fi kuma 75 fi 879 raawwatamuu himaniiru.
Ijaarsi Manneen Jireenyaas akkaataa karooraan raawwatamaa jiraachuu eeruu ragaan Mana Maree Bakka Bu’oota Ummataarraa argame ni mul’isa.
#Oromia #Ethiopia