Finfinnee, Bitootessa 24, 2017 (FMC) – Bitootessa 24 sababeeffachuun hiriirri deeggarsaa Godinaalee fi magaalota Oromiyaa garaagaraatti gaggeeffameera.
Hiriirri guddaan kun sadarkaa Bulchiinsa Magaalaa Shaggaritti Kutaa Magaalaa Laga Xaafoo Laga Daadhiitti gaggeeffameera.
Hiriiricharratti argamuun ergaa kan dabarsan Af-Yaa’iin Caffee Oromiyaa Aadde Sa’aadaa Abdurrahmaan, Bitootessi 24 Aadaa siyaasaa ture jijjiiruun dirree siyaasaa bal’isuun bilisummaan miidiyaalee akka mirkanaa’uufi dhaabbilee ciccimoo dhiibbaa siyaasaa irraa bilisa ta’an akka ijaaramaniif bu’uura guddaa kaa’era jedhan.
Injifannoon Bitootessa 24 imala jijjiiramaafi cehumsa biyyaa dhugoomsuus dubbataniiru.
Imaammata dinagdee yaadama sirrii irraa maddeen dinagdee damdaneessaafi itti fufiinsa qabu ijaaruun Itiyoophiyaan seenaa hiyyummaa keessaa baatee boqonnaa haaraatti akka ceetuuf daandii saaquu himaniiru.