Finfinnee, Guraandhala 17, 2017 (FMC)– Itiyoophiyaa fi Chaayinaan walta’iinsa isaanii akka cimsan ibsan.
Fooramiin daldalaa fi iinagdee itiyoo-Chaayinaa 2025 Magaalaa Finfinneetti banameera.
Fooramicharratti Komishinarri Komishinii Investimentii Itiyoophiyaa Dooktar Zallaqaa Tamasgeen akka ibsanitti, Itiyoophiyaan daldalaa fi investimentiif haala mijataa qabdi.
Rifoormiin diinagdee mandhalee babal’ina indaastirii fi misooma saffisiisuuf bu’aa qabatamaa fidaa jirachuu ibsanii, jijjiiramichaan dirree investimentii hirmaachisaa fi mijataan uumamuu dubbataniiru.
Kana hordofees abbootiin qabeenyaa biyya alaa Itiyoophiyaatti hojiilee investimentiirratti hirmaachaa jiraachuu ibsaniiru.
Walta’iinsa dinagdee Itiyoophiyaa fi Chaayinaa gidduu saffisaa jiraachuu eeranii, abbootiin qabeenyaa Chaayinaas carricha bal’inaan fayyadamuu akka qaban akeekaniiru.
Abbootii qabeenyaa dameewwan investimentii garaagaraarratti hirmaataniif komishinichi deeggarsa akka taasisu mirkaneessaniiru.
Itiyoophiyaatti Ambaasaaddarri Chaayinaa Cheen Haay gama isaaniin, biyya qabeenya uumamaa fi aadaan badhaate ta’uu yaadachisanii, Itiyoophiyaa fi Chaayinaa gidduu walta’iinsi hundagaleessaa guddina olaanaa argisiisaa akka jiru himaniiru.
Itiyoophiyaa fi Chaayinaan michuuwwan daldalaa fi investimentii ta’uu ibsanii, Itiyoophiyaan miseensa BRICS ta’uun ammoo dandeettii walta’iinsaa jiru dabalataan kan guddisudha jechuu ragaan Ministeera Dhimma Alaarraa argaem ni mul’isa.
#Oromia #Ethiopia