Finfinnee, Bitootessa 17, 2017 (FMC) – Hojiilee damee Teeknooloojiin hojjetaman addunyaatti mul’isuuf Itiyoophiyaan agarsiisa Teeknooloojii Caamsaa 8, 2017 eegaltee Finfinneetti qopheessuuf ta’uu eerame.
Bulchiinsi Nageenya Odeeffannoo fi Inistiityuutiin Hubannoo Namtolchee Itiyoophiyaa waloon kan qopheessan ta’uutu himame.
Agarsiisichi Nageenya Saayibarii, Hubannoo namtolchee, Faayin Teek, Ismaart Siitii fi Barnoota Teeknooloojii bu’uura kan taasiiseedha jedhame.
Agarsiisa guyyoota sadiif tururratti dorgommiin AI fi Roobootiksii, agarsiifni Teeknooloojii, akkasumas mariiwwan garaagaraa ni gaggeeffamuun eegama.
Keessummoonni kumni 10 ol agarsiisicharratti ni hirmaatu jedhame.
Fiqirtee Kabbadaatu gabaase.
#Oromia #Ethiopia