Milkaa’ina murteewwan Paartichaaf Ummaanni deeggarsa taasisu cimsuu qaba- Obbo Kaffaaloo Tafarraa

Finfinnee, Guraandhala 16, 2017 (FMC) –Murteewwan Paartichaa imala badhaadhinaa kan milkeessan waan ta’aniif, ummaanni deeggarsa taasisu cimsuu akka qabu Itti Gaafatamaan Waajjra Paartii Badhaadhinaa Damee Oromiyaa Obbo Kaffaaloo Tafarraan ibsan.

Koonfiraansiin ummataa murteewwan yaa’ii 2ffaa Paartii Badhaadhinaa irratti xiyyeffatee Magaalaa Dabira Birhaanitti taa’ameera.

Keessumaa Qamadii jallisiin oomishuu, maaddii guutuu, sosochii Itiyoophiyaa haa oomishtuu, misoomaa kooriidarii fi kanneen biroon milkaa’inoonni galmaa’an cimaanii akka itti fufan ibsaniiru.

Milkaa’inaaleen argaman imala Badhaadhinaa saffisiisu fi guddina biyyaa mirkaneessuu kan dandeessisan ta’uu himaniiru.

Itti Gaafatamaan Waajjira Paartii Badhaadhinaa Damee Naannoo Sidaamaa Abrahaam Maarshaalloo gama isaaniin, murtoowwan paartichaa guddina waaraa galmeessuu kan dandeessisan ta’uu kaasaniiru.

Keessumaa seenessii waloo cimsuu fi ijaarsa dhaabbilee gama cimsuun ummanni paarticha cinaa dhaabbachuun dammaqinaan akka hirmaatan ibsuu TOI gabaaseera.

#Oromia #Ethiopia

Comments (0)
Add Comment