Finfinnee, Bitootessa 24, 2017(FMC) – Milkaa’inoota jijjiiramaan galmaa’an itti fufsiisuuf hundi murannoon hojjechuu akka qabu Pireezidaantiin Naannoo Somaalee obbo Musxafee Muhaammad ibsan.
Guyyaa jijjiiramni biyyaalessaa itti dhugoome Bitootessa 24 sababeeffachuun mata duree “ Kaleessa, Har’aafi Boru Guddummaa Itiyoophiyaaf” jedhuun magaalaa Jigjigaatti mariin paanaalii gaggeeffameera.
Obbo Musxafeen ergaa waltajjicharratti dabarsaniin, jijjiiramni biyyaalessaa dameelee diinagdee, siyaasaafi hawaasummaan milkaa’ina boonsaa argamsiisuu dubbatan.
Milkaa’inoota dameelee garaagaraan galmaa’an itti fufsiisuuf hundi kutannoon hojjechuu akka qabu hubachiisaniiru.
Jaarsoliin biyyaa waltajjicharratti hirmaatan, jijjiirama biyyaalessaan booda naannichatti hojiileen misoomaafi nageenyaa hedduun hojjetamuu ibsuu isaanii ragaan kominikeeshinii naannichaarraa argame ni mul’isa.
#Oromia #Ethiopia