Finfinnee, Bitootessa 27, 2017(FMC) – Godina Harargee Bahaa aanaa Baddannootti hojiin misooma sululaa waggoottan darban keessa hojjetaman naannawichi bakka duraaniitti akka deebi’u gargaaraa jiraachuun ibsameera
Hojii hanga ammaatti hojjetameen gaarreen magariisa uffachuu, maddoonnis burqanii bakka isaanii duraaniitti deebi’aa jiru.
Misooma sululaan naannolee hedduutti biqiltuuwwan dhaabamuu fi kanneen keessaa %40n nyaataaf kan kan oolan ta’uu Bulchaan aanichaa obbo Ibiraahiim Yuuyyee himuu isaanii TOI gabaaseera.
Bu’aan kun hirmaannaa hawaasaa ho’aa ta’een dabaalamee argamuu fi dargaggootaaf carraa hojii uumuu ibsaniiru.
Bulchaan Godina Harargee Bahaa Miskii Mahaammad gama isaaniin, hojii misooma sululaa uummanni hojjetaa jiruun dhiqamni biyyee hir’achaa dhufuu eeranii, hojiin eegumasa biyyee fi bishaanii kun uummatichaan aadeffatamaa dhufuu ibsaniiru.
Jiraattonni aanichaa erga hojiin kun eegalee jijjiirama dhufe irraa fayyadamuu eegaluu dubbatanii, hojii gama kanaan ammaan booda hojjetamanittis dammaqinaan hirmaachuuf qophaawoo ta’uu ibsaniiru.