Finfinnee, Guraandhala 30, 2017(FMC)- Mootummaan barii jijjiiramaa irraa eegalee ejjennoo cimaa rakkoolee karaa nagaan hiikuuf qabu goochaan argisiisuu isaa Ministeerri Nagaa Obbo Mahaammad Idiriis ibsan.
Ministirichi cabiinsawwan siyaasaa barii ijjiiramaa turan suphuuf, rakkoon siyaasaa kamuu karaa nagaan hiikamuu akka qabu ejjennoo ifa ta’e qabatee tarkaanfilee hedduu fudhachuu himaniiru.
Qaamoleen Kaayyoo siyaasaa isaanii humnaan milkeeffachuuf hidhatanii socho’an fedhii isaanii gara mareetti akka fidaniif yeroo mara balbala isaa nagaaf banuun karaa fagoo deemuu kaasaniiru.
Kanaanis qaamolee hedduuun filannoon humnaa miidhaa walitti bu’iinsaa malee bu’aa akka hinqabne hubachuun waamicha nageenyaa fudhatanii ijaarsa nageenyaa fi misoomaa keessatti gahee isaanii ba’achaa akka jiran dubbataniiru.
Mootummaan nageenya waaressu fi tokkummaa sab-daneessummaa cimsuun ijaarsa biyyaa dhugoomsuuf hojiiwwan seenessa waloo cimsuu raawwachaa jira jedhaniiru.
Mimootummaan ejjenoo cimaa rakkolee karaa nagaan guruuf argisiisaa jiru kan cimsee akka itti fufus mirkaneessaniiru.
Kanaaf beektonni siyaasaa yaadota nageenya cimsanii fi tokkummaa jabeessan maddisiisuun qooda isanii akka gumaachan gaafachuu isaani TOI gabaaseera.
Biyya badhaatuu ijaaruuf hirmaannaa fi tumsi lammiil;ee hundaa barbaachisaa ta’uus cimsanii hubachiisaniru.
Gama biraatiin Ministeerri Nagaa dargaggoota hojii tola-ooltummaa leenjisuudhaan aadaawwan wliigaltee biyyaalessaa uumanii fi walooma jabeessan akka dagaaganiif hojjetaa akka jirus dubbataniiru.
Marsaa 12ffaa kanaanis dargaggoota kuma 70 caalan leenjisuun hojiiwwan tokkummaa fi fayyadamummaa ummataa mirkaneessan hojjetamuu isaanii eeraniiru.
#Oromia #Ethiopia