Finfinnee, Guraandhala 6, 2017 (FBC)-Murtoowwanii fi kallattiiwwan yaa’ichaan kaa’aman galma akka ga’an gurmaa’inni fi miseensonni Paartii Badhaadhinaa dhaabbilee federaalaa gahee olaanaa qabu jedhan Ministirri Ministeera Geejjibaa fi Loojistiksii Dooktar Alamuu Simeen.
Murtoowwanii fi kallattiiwwan Yaa’ii 2ffaa Paartii Baadhaadhinaan kaa’aman irratti gurmaa’inni fi miseensonni Paartichaa sadarkaa federaalaa mari’achaa jiru.
Miseensi Mana Maree Paartichaa fi Walitti Qabaan Gurmaa’insa Dhaabbilee Federaalaa Dooktar Alamuu Simeen akka jedhanitti, yaa’ichii damee hundaan milkaa’inaan xumurameera.
Kallattiiwwan yaa’ii 2ffaan kaa’aman bu’aa qabeessa ta’anii akka hojiirra oolan gaheen miseensotaa daran cimuu akka qabu ibsaniiru.
Kallattiiwwan kunneen imaammataa fi tarsiimoowwan keessatti hammatamuun hojiirra ooluu akka qaban eeranii, kunis karoora dhaabbilee waliin walsimsiisuun hojiirra oolchuun akka barbaachisu hubachiisaniiru.
Hojjettoota mootummaaf hubannoo uumuunis milkaa’ina galmoota biyyaalessaaf waloon hojjechuun akka barbaachisu dubbataniiru.
Miseensi Mana Maree Paartii Badhaadhinaa fi Itti Gaafatamaan Damee Siyaasaa Gurmaa’insa Paartii badhaadhinaa Dhaabbilee Federaalaa Dooktar Tasfaayee Beeljigeen gama isaaniin, murtoowwanii fi kallattiiwwan kaa’aman irratti hoggansi hubannoo walfakkaataa qabaachuu akka qabu ibsuu TOI gabaaseera.
Ga’umsa hoggansaa fi miseensota paartichaa guddisuuf hojii ijaarsaa paartii cimsuu, seenessiin waloo olaantummaa akka qabaatu hojjechuu, ijaarsa aadaa diimookiraasii dabalatee kallattiiwwan saddeet akeekamuu kaasan.
Murtoowwan yaa’ichaa hanga sadarkaa gadiitti bu’uu akka qaban ibasanii kanaafis hunduu gahee irraa eegamu bahachuu qaba jedhaniiru.
#Oromia #Ethiopia