Finfinnee, Bitootessa 25, 2017 (FMC) – Naannoo Oromiyaatti dameewwan hawaasummaa, diinagdee, siyaasaa fi investimentiin hojiileen hojjetamaa jiran abdii qabeeyyii ta’uu Ministirri Tajaajila Kominikeeshinii Mootummaa Doktar Laggaasaa Tulluun ibsan.
Agarsiisni Suuraa imala jijiiramaa fi bu’aalee argaman mul’isu Giddugala Aadaa Oromootti banameera.
Sirna baniinsa Agarsiisichaarratti Doktar Laggaasaa Tulluun akka jedhanitti, Naannoo Oromiyaatti hojiileen misoomaa hojjetamaa jiran imala badhaadhinaa milkeessuuf abdiidha.
Naannichatti dameewwan misooma hawaasummaa, siyaasaa, diinagdee fi investimentiin hojiileen hojjetamaa jiran jajjabeessoo ta’uu dubbataniiru.
Keessumaa misooma barnoota idileen duraa irratti xiyyeeffachuun manneen barnootaa kanneen sadarkaa hundaatti babal’isuun, damee fayyaanis hojiileen hojjetaman jajjabeessoo ta’uu ibsaniiru.
Nagaa fi tasgabbiin akka mirkanaa’uuf tattaaffii olaanaan taasifamaa turuu kan akeekan Doktar Laggasaan, misooma qonnaan hojiilee bal’aan hojjetamuu dubbataniiru.
Afyaa’iin Caffee Oromiyaa Aadde